在過虎年之前，CG界發生了最大單的Imagi動畫部摺埋事件 ，成300人受影響，一時間CG人湧到市場之內… 早前佢地炒一百人之時，已經為CGV攪左個「專業CG人員招募計畫」當時有3-4十人參加… 到今次事件爆發後現在有百人參與，知道有公司請了有關人士，都覺有點點幫助 (雖然幫唔得幾多..)
最可惜係上年尾同佢地一眾TD 及R&D人做AstroBoy專訪 ，專訪未出，公司就摺，現在沒有機會了…(希望可以推出)
過年被迫清假…放十天的假期，原先係希望做下FYP… 結果大部份時間都唔係做野…..
今日我好憤怒…好唔開心，好失望…我真的想喊出來。
669億撥款高鐵通過了… 無恥的保皇黨，無恥的狗官繼續莫視民意……
連日黎泛民提出大量問題(當然部份係拉布，絕對支持)，但狗官鄭汝華等人都被問到口啞啞，問題未解決，班保皇黨就趕收工既咀臉…火都黎!!!
補上..大角咀居民會 直擊
港深高鐵只有26公里 ，造價卻達669億，係全球最貴鐵路。
要用多少年才能回本 ? 帶來幾多收益 ? 政府根本沒有認真做過一份有確實數據的報告。
明知立法會夠票通過 (功能組別加保皇黨)政府更加莫視民意…
政府本身己經夠仆街，庫房有錢又唔派，收左我地稅就用黎討好呀爺。
1月8日晚，良心駒使我行去立法會，同一班唔認識既同路人高呼”反~高鐵”，就我自己見人數很多，我坐的地方視線內最少都4千幾以上 (我攪開活動，人數估計唔會太偏離。) ~~~ 不過警方欲話最多只有1300人，我真係火都黎 !!!
我坐到立法會拉布成功阻礙投票後便離去，但革命尚未成功~~~下星期會議繼續，唔知我下次仲會唔會黎到…
~~~~~~~~~~~~~~~~~~~~~~~~ 有關高錢的影片 ~~~~~~~~~~~~~~~~~~~~~~~~~
有心人製作 :
~~~~~ TVB – 新聞透視 (26Nov, 2009) :
千熹年2000 到現在，剛好一個10年。
回看10年，自己都有點變化，由一個自閉人仕變為一個比較樂於交際的人(仍限於工作上)。
由一個正常身型變到現在的中年發褔，近年雖然已戒口及做小量GYM黎減慢發褔推進，可惜仍不見有效 。
呢10年香港 CG業更加越做越難越做越爛….由做Production都轉型做了後勤支援。
而CGV呢10年都同業界一樣的沉…..
近一兩年我覺得時間過得特別快，唔知係咪因為讀番書既原故…發覺好快又要”科水”….
近年我都會在BLOG講新年計劃，但發現上年講果d野都未能能做到 … 真係無鬼用~~
所以呢~~~~今年2010年我就乜都唔去計劃…睇下自然咁過會唔會有所突破… (哈哈)
31號晚 到了一家極有錢人的住宅看元旦煙火，位於西九圓方之上，大廳騎樓面對正IFC，從風水學黎講可能係屬於一注香既格局(Chor~)，不過以地產項目黎講呢個就係天價無敵景…我當然把握機會，用我有限既拍攝技能拍下多張煙火照片~~
祝願自己及家人 ，身體健康!!!
我實在太”不該”，自己國語不好還笑人。 其實我覺好笑的不是他的國語，最好笑的是網民加上的對白，看到最後你便自然笑出來。
崔世安管治澳門未上任已經好出位，當中他續任舊班子的七名司長，而唯一不獲續任的人，就是曾批評過他在處理東亞運超支的審計長蔡美莉…
香港人真係要努力掙取民主，勿要像澳門人般什麼都不聞不問，自然惡人當道，最後無力反抗…..
某個晚上，一干人等到老遠的涉谷..飯局，吃地道的串燒。其中與Eddy再次在異地相聚~~~乾杯喇!! ~~~(無打格架~~~請不要介意 ^_^)
另一個晚上，同Daniel及他的手足一起飯局。這是整個旅程最好味的一餐~~ 非常好食 !!
在會議最後一日，終於集齊CGV及所有抽倒 Siggraph Full Conference入場証的得獎者，在Siggraph飯堂吃過午餐~~
大合照!!!~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
一連幾天的SIGGRAPH ASIA 過後，便到自己的旅行時間… 由橫濱轉到池袋~~
就在離開橫濱的一大清早，到了Wonder Amuse Zone行一轉，一直想玩這裡著名的過山車(ダイビングコースター)，
現場見倒真車後覺得無乜料到，都沒有倒轉360度轉圈，沒怎可怕，但由於內子是畏高，唯有自己一條友上去玩，佢就充當攝影師。
衝呀 ~~~~~~~~~~~由於小弟載著眼鏡玩，所以全程要用手按住(真係怕佢會飛出黎~)。比￥700，一分鐘唔夠，剌激度一般…
反以睇番條片仲激…….720p的影片中仍可見到自己 …哈哈
雖然這星期很忙，不過突然想寫番之前想Post的video..
我每日都會睇 Youtube .(好多人都一樣吧~~) ，我看的最多是新聞及政治，不過當然亦會看一些攪笑的片。
Youtube上有好多自拍片，有男有女，不難發現當有一些其貌不揚或肥的人發自拍片時，通常都會被圍，奇在他們又真的常在鏡頭前做些怪行為…..
這是早前 YouTube上流行的 “MIX小姐” ，其實我唔太清楚整件事件，大慨係呢位妹妹將自拍片放上Youtube (回應GEM歌曲..)就 被人圍攻了，當然她的回應也不算有禮貌。有很多人回應都是很反面，還有很多人製作了mixing 版及MV….好有心。
“MIX小姐” 提及她是”Mix”的，不其然令我想起早前睇”撲克王”中的笑Gag…. 片中有位正宗香港人兄自稱是Mix，女角當然不信，他便認真地說”Mix係有兩種既; 一種係睇得出，一種係睇唔出，我係睇唔出個隻”……
那邊廂, Youtube的別一邊…一位同樣是Mix的小妹妹自拍片段，回應的人卻是很正面….
….結論是如果你是樣貌娟好的話，人們都會對你非常愛護 ……
~~ 現實 就是這樣的啊…
經常有朋友甚至家人 在Facebook 中 request 我做”朋友” , 雖然我有一個以”Mark Zu”名義登記的Facebook account，但實情是我沒有玩這玩意的，開這acc亦只是為了方便管理 CGV 個 Fan Page 。故此我這Facebook Acc是沒有任何”朋友”加入的。
其實很久以前我有玩過一輪Facebook，不過我發覺越玩越唔妥，因為連家人、上司、唔認識既都通通有可能知道我的所有人物關系，還知道我做過什麼，那豈不是自找麻煩。
最諷刺的是即使我有幾多百人在Friend list之中，真正稱上朋友既又有幾多 ? .. 這麼多Friends何解我仍那麼自閉 ? ~~
要Add我的朋友請 add 我的 MSN ，若你能夠見倒我在線，就已經很夠朋友了!!!
