Zu Blog

忙完…..重新再熱血

Zu — Fri, 27 Apr 2012 18:00:42 +0000

最近幾個星期都忙到死….很久沒有試過感到自已時間唔夠用… 所以連CGV都無時間理, 連 Diablo III OB 都只係玩左一陣。

忙的主因是整個四月都是交Final year Project的日子 , 10號Project report , 17日 poster fair , 24日Final present … 其實我一直都無攪過份Report , 要到24日先叫做完成。

寫左成萬幾字 , 七十幾頁紙 , 連份Present Powerpoint都係即日抽出泥, 轉成為左九十版的PPT… 最後到 Final present ,講過30分鐘都講唔晒…

Anyway , 其實都有好多野未執好 , 但總算完整。

小弟讀完左呢個 MScMET 咁耐但一直無做份FYP , 就係因為我唔想FYP只係做份”垃圾”出泥就算 , 雖然最後都只係用左最後一段時間做, 又唔係做動畫片,

不過呢份Final year Project 最後都總算對得住自己 , 我可以大聲講呢件野出得街有餘~~!!

這是唯一兩位觀眾中的西門兄幫忙拍攝 , 多謝佢地泥睇 , 其實我覺得我份PPT都幾精彩架..kakakaka
評審單位對我既作品都好正面…..

在FYP 途中又要預備 A記發布會既工作, 加上新軟件推出 , 很多東西都要預備….

現在最忙的時候剛過去了~~~不過我希望會繼續將”外星人”攪多一會~~~~~
自n年前《風波》被摺之後, 其實這多年來都無聽早晨電台節目, ( 以前有間中聽下林狗既《晴朗》) 。

近年都只係聽人網節目 , 而半年前明開始黃洋達主持既《早朝天下》則再次令我喚起再聽早晨節目既習慣,

雖然我很多時不是很認同黃洋達既說話內容, 不過聽佢地節目真的會令人很熱血….老實講做人係很需要”熱血”的…

可惜佢地突然執左….之後又只有不停Loop住老簫 , 毓民 d 節目做野…>_<

熱血不要停 , 突然我想攪個《熱血CG》既活動~~~~~~~~~~~~~~~~~~

3月記錄…

Zu — Thu, 29 Mar 2012 01:00:49 +0000

3月份上半月是非常繁忙. 加上大病一場 , 很久很久也未曾試過發了幾日的燒 , 三日要完全睡在床上…

後來知道在我重病其期間 , 法國大師Moebius 辭世 .

回想起來在我病前幾日和Jack在Lo Sir間漫畫店內談及過 Moebius , 小弟還笑說不知大師還在不在, 那些有親筆畫的書藉會昇值云云 .
看來我病了幾天是上天的懲罰…. 大師….對不起

這是我和大師的有合照 , 2000年 , 小弟還是長髮 ….

- 3月份其中要忙著同時使用 3ds max 及Maya ( 我的工作不就是這樣嗎?) 但真的要好全面使用 , 同時兩個軟件的short cut key 也自然的弄亂了…

- 外星人計畫在 3月全面公開 , 不過公眾的回應是很少 , 當然明白沒有太多內容 , 公眾看罷也很難有反應 . 而我明白單單放條片去Youtube 只像散尿入大海一樣 , 很難引人關註 . 所以要從其他方面配合 , 例如我最討厭的 Facebook , 這半個月以外星人的身份使用 FB , 我研究了其他”爆朋友”的人, 只要靠FB 人傳人傳才是最快的傳播工具 , 而FB的人也一定要夠廣泛 … 總之玩 FB會很花時間….不過試落都幾有趣 , 我沒有特別主動加入其他人 , 而Youtube短片也漸漸令人數曾加了 .

而做短片也花時間 , 原先想用已set 好的Kinect , 不過有時Key會仲快 , 反正郁動的不多 . 反而 Rendering 真的最長 , 用了 i7 2600K 也要等一個星期才render完幾十秒的圖 , 只有720×405 pix , 而質素也tune得很低 , 亦勁多noise , 幸好是模擬自拍片 , 算了吧~~~

別外 , 也做了個 re-targeting maya內的一個 Mocap 動作 , 自Maya 加入HumanIK 真是方便到極 (>_<) , 這個Fighting 動作不錯可惜時間短了一點(前部份用不著) ,

不過想到如果用多個鏡頭捕足也不錯 , 而用Camera sequencer 就很易辨 , 呢個超正功能讓製作慳了很多時間 , 因為每一格就是十多分鐘的代價 , 在Camera sequencer set好要的格數更可一次過睇埋playblast….

Click here to view the video on YouTube.

希望四月能完成多一段長片 , 不過還未敲定內容….

龍年假…. Sith上身~~

Zu — Sat, 28 Jan 2012 20:01:35 +0000

真係大穫!! 今個新年假期….沙鍋上身…

難得有七日的假期 , 沒有去拜年 , 加上老婆去左加國探親 . 這回假期自己一條友過…除了陪家人之外，大部份時間我都是自閉~

要怪就怪新年前買左隻 Star Wars – The Old Republic ，呢隻必然令Starwars 迷迷上癮的mmorpg …

這次令我再度投入於 Star wars 的世界裡，直頭以為自己真係變左Sith..

其實在最初不太喜歡他們的人物設定, 因為就如之前BioWare 所出的Starwars遊戲(Star Wars: Knights of the Old Republic) , 遊戲設定是電影版時代數千年前的世界，就像回到古代不是Starwars 電影原style，所以我有點抗拒。

不過玩過這新的MMO之後就見倒很多不論環境,人物,打鬥原來都好有SW既元素, 而且雖然是MMO 但玩起來居然有點 force unleashed 既爽快,揮劍動作及FX都好清晰華麗,
而且呢隻game與別不同之處係大部份接quest情節都係入影片模式 (真人配音對白), 及分鏡等等都令人投入度很高,有如一套電影一樣, (所以據聞此game製作成本極高)

這個假期裡就衝到去20幾 level~~~ (但我既mmo自閉症會唔會迫使我玩唔到頂呢 ? )

開發單位 BioWare Austin : http://www.bioware.com/

開發引擎 Hero Engine :http://www.heroengine.com/

人大了，感到時間很快流走 – 2011回顧之廢Up 及展望2012

Zu — Fri, 30 Dec 2011 14:44:11 +0000

2011年很快又會過去，再上來自己的BLOG… 原來已很久無更新，11到12月都是忙得很的時間，有時也想寫點事情記錄，但一轉眼又忘了。
11月買下的Tin Tin畫冊到現在仍未開封細閱。

12月在SIGGRAPH 其間外婆突然去世，雖然早前她入院及出院後我都有探望過她，她亦好精神的跟我說話，不過老人家走了對我來說都看得化了，當然呀媽就相當傷心，幸好她的心情都算很快平伏。之後幾天，在電視上看見 “金正日”歸天，鏡頭所見羣眾嚎哭到呼天叩地，實在令自己感到有點”不孝”之感，回想到上年家父辭世自己都無點喊過…

Click here to view the video on YouTube.

(重點在0:40開始…近年難得一見的奇景~~~ 在極權之下，人民才有此機會”大哭”一場…)

而見到金正恩.. (相信全平壤都難搵倒個比佢肥既平民…)

則令我想到自己今年因為食番肉類，而體重亦再度飆昇，看來真的要定下個做運動的計畫，決心地抗衡”中年發福”之勢。

這年我發現自己的”毅力”指數越來越低，做什麼事也提不起競，很多計劃要做的事都通通泡湯….2011很失敗啊。